Şəhidimizin məzarı üzərinə “FEDA” yazılı “Beşiktaş” şərfi qoyuldu - FOTO

18 May 2021 23:00 Türkiyə 1 033
Şəhidimizin məzarı üzərinə “FEDA” yazılı “Beşiktaş” şərfi qoyuldu - FOTO

Vətən Müharibəsi zamanı ötən ilin oktyabrında Füzuli istiqamətindəki döyüşlərdə şəhid olan Azərbaycan Milli Ordusu sıralarında xidmət edən Xəyal Balakişiyevin məzarı üzərinə “FEDA” yazılı “Beşiktaş” şərfi qoyulub.

Sportinfo.az xəbər verir ki, şəhidin ailəsi onun sevimli komandası olan “Beşiktaş”ın çempionluğu şərəfinə bunu edərək, övladlarının ruhunu şad etməyə çalışıb.

Şəhidin atası Müseyib Balakişiyev DHA-ya açıqlamasında oğlunun “Neftçi” və “Beşiktaş” azarkeşi olduğunu, bu üzdən “ağ-qara” rəngləri sevdiyini söyləyib:

“Xəyal “ağ-qara” rəngdə olan “Neftçi” və “Beşiktaş”ın çılğın azarkeşi idi. Oğlum gerbindəki Türkiyə bayrağını xüsusilə vurğulayardı.

“Beşiktaş”ın hər oyununu mütləq izləyər, məğlubiyyətinə üzülər, zəfərinə sevinərdi.

Mənə həmişə “Beşiktaş”ın himnlərindən birində olan və tribunalarda tez-tez səsləndirilən “Ölümle yaşamı ayıran çizgi, siyahla beyazı ayıramaz ki” oxuyardı. “Beşiktaş”ın Super Liqanın çempionu olması ruhunu şad etdi, mübarək olsun”.

1994-cü il təvəllüdlü Xəyal Balakişiyev Vətən Müharibəsinin başladığı ilk gündə könüllü olaraq müraciət edib və oktyabrın 5-də Qarabağdakı döyüşlərə qatılıb. Oktyabrın 25-də şəhid olan Balakişiyev Fəxri Xiyabanda dəfn olunub.

Digər Xəbərlər
Xəbər Lenti