.jpg)
Tokio Olimpiadasında bu gün mübarizəyə qoşulan 2 təmsilçimizdən biri artıq çıxışını başa vurub.
Kişi cüdoçular arasında 81 kq çəki dərəcəsində mübarizə aparan Murad Fətiyev ilkin mərhələni texniki qələbə ilə adlayıb.
Syerra-Leonedən olan rəqibi Frederik Harris tatami üzərinə çıxmadığından Murad güləşmədən 1/8 finala vəsiqə alıb.
Burada isə onun qarşısını İran əsilli Monqolustan cüdoçusu Səid Mollaye kəsib.
Olimpiadada ilk dəfə iştirak edən Fətiyev görüşdən məğlub ayrılıb. Murad Tokioda mübarizəni mükafatsız başa vuran 5-cü cüdoçumuz, ümumilikdə isə 17-ci idmançımız oldu.
Bu gün mübarizəyə qoşulacaq digər təmsilçimiz isə indoneziyalı legioner Edi Reski Dviçahyo olacaq. O, badminton yarışında Azərbaycanı təmsil edəcək.
SPORTİNFO. AZ
.jpg)
