"Sabah"ın uzun müddətdir zədədən əziyyət çəkən hücumçusu Kevin Kubemba artıq komanda ilə məşqlərə qoşulub
Bu barədə Sportinfo.az-a "Sabah"ın mətbuat xidmətinin rəhbəri Elnur Həmidov məlumat verib:
"Kevin bir müddətdi komanda ilə məşqlərə qatılır. Zədəsi sağalıb. Ancaq uzun müddət yaşıl meydanlardan kənarda qaldığına görə, formasını bərpa etməlidi. Şans qazanıb-qazanmaması baş məşqçinin qərarından asılıdı"
Mövsümün əvvəli "Səbail"dən transfer olunan 27 yaşlı fransalı legioneri "Sabah"ın Türkiyədəki yay təlim-məşq toplanışında zədələnmişdi.
