Ramil Şeydayevin «Dinamo»dan ayrılandan sonra karyerasını Azərbaycanda davam etdirməyə qərar verməsi Rusiyada böyük təəccüblə qarşılanıb.
Bundan ən çox təsirlənən samaralı futbolsevərlərdir.
Çünki onlar millimizin üzvünün yenidən «Krılya Sovetov»a dönəcəyini gözləyirdi. «Krılya» tərəfdarları sosial şəbəkələrdəki fan-səhifələrdə Şeydayevin «Sabah»la 4 aylıq müqavilə bağlamasının maddi şərtlərlə bağlı olmasını yazıb.
Sportinfo.az-ın məlumatına görə, onlar Moskva təmsilçisini Azərbaycan Premyer Liqasına dəyişən forvardın doğma komandalarından ayda 25 min dollar əməkhaqqı tələb etməsini açıqlayıb. «Krılya Sovetov» həmin məbləği 15 min dollara kimi aşağı salmaq istəsə də, Ramil güzəştə getməyib.
