.jpg)
"Sabah"ın hücumçusu Amadu Diallo Premyer Liqanın VI turunda evdə "Səbail"i 3:0 hesabı iləməğlub etdikləri oyundan (3:0) sonra Sportinfo.az-ın əməkdaşının suallarını cavablandırıb. Fransalı futbolçu əvvəlcə qələbəni şərh edib.
- Bizim üçün önəmli qələbə idi. Bunu mövsümün əvvəlindən gözləyirdik. Qalib gəldiyimiz üçün çox xoşbəxtik.
- Komanda bu gün tamam başqa həvəslə oynadı. Ola bilər ki, bu, futbolçuların tribunadan oyunu izləyən yeni baş məşqçiyə özlərini göstərmək istəməsi ilə bağlı idi?
- Ola bilər, razıyam. Hazırkı əhval-ruhiyyəmizi saxlamalı və bu cür davam etməliyik.
- Hesabda 2 top fərqi ilə öndə olsaz da, elə oynayırdız ki, sanki uduzursuz...
- Burada qələbə istəyimizin də rolu böyük idi. İlk qoldan sonra arxaya çəkilmədik. Daha çox qol vurmaq istəyirdik.
- Düşünmək olar ki, bu qələbə "Sabah" üçün dönüş nöqtəsi olacaq?
- İnanıram ki, bu, gələcək qələbələrimizin başlanğıcı olacaq. Buna çox ehtiyacımız var idi.
- Öz oyununuz haqda nə deyə bilərsiz? Komandaya tam uyğunlaşa bilmisiz?
- Deyə bilərəm ki, artıq komandaya tam adaptasiya olmuşam. Bir-birimizi getdikcə daha da yaxşı tanıyırıq. İnanıram ki, oyundan-oyuna hər şey istədiyimiz kimi olacaq.
