"Sabah" tarixinin ən böyük hesablı qələbəsini qazanıb.
Sportinfo.az klubun rəsmi saytına istinadən xəbər verir ki, tarixi qalibiyyət "Sumqayıt"la Azərbaycan Premyer Liqasının XVIII tur oyununa təsadüf edib.
Paytaxt təmsilçisi səfərdə rəqibin qapısından 6 cavabsız top keçirib. Bakılılar daha öncə bir neçə dəfə 5:0 hesablı qələbəyə sevinsə də, ilk dəfə bir matçda 6 qol vurub.
"Sumqayıt"a qarşı oyunda Emmanuel Apeh, Aleksey Kaşuk, Coy Lens Mikels, Elvin Camalov, Anatoli Nuriyev və Davit Volkov fərqləniblər.
