Çempionluq uğrunda mübarizə aparan iki komanda Premyer Liqanın 14-cü turunda üz-üzə gələcək.
“Sabah” noyanrın 14-də “Qarabağ”ı Masazırda qonaq edəcək.
“Tələbələr” ilk 13 həftədə qələbələri sıralayan “köhlən atlar”a qalib gəlsə, həm onların seriyasını qıracaq, həm ilk dövrədəki məğlubiyyətin revanşını alacaq, həm də aradakı xal fərqini 2-yə endirəcək.
“Saabah” liderlə görüşə, böyük ehtimalla, ən yaxşı qolçusu olmadaan çıxacaq. Bu barədə Sportinfo.az-a klubun mətbuat xidmətinin rəhbəri Elnur Həmidov məlumat verib.
O bildirib ki, Coy-Lens Mikels “Qəbələ” ilə matçda zədələnib. Aktivində 7 qol olan almaniyalı hücumçu məhz bu üzdən “Səbail”lə keçən matçı (2:0) buraxıb.
Ayaq əzələsi dartılan Mikelsin müalicə prosesi yenicə başa çatıb və məşqlərə qatılıb. Lakin hazırlıq səviyyəsi hələ yetərli olmadığından, “Qarabağ”a qarşı forma geyinməsi sual altındadır.
