“Klubumuzun bir parçası olduğuma görə çox şadam”.
Sportinfo.az xəbər verir ki, bu sözlər “Sabah”ın baş məşqçisi Murad Musayevə məxsusdur.
2020-ci ilin oktyabrından Masazır klubunda işə başlayan rusiyalı çalışdırıcı yeni müqavilə imzalayıb. Daha 1 il burada qalacaq sabiq “Krasnodar”lı məmnunluğunu dilə gətirib:
“Addım-addım daha da güclənməliyik. Qarşıda görülməli olan çox iş var.
Hər gün ürəklə çalışaraq, bundan sonra da azarkeşlərimizi sevindirməyə çalışacağıq”.
Qəsəbə təmsilçisi onun rəhbərliyi altında keçirdiyi 33 oyunun 20-dən qələbə ilə ayrılıb.
