“Sabah” Murad Musayevlə yeni müqavilə bağlayıb.
Klub saytımızın yaydığı xəbəri rəsmi surətdə təsdiqləyib.
Anlaşmaya əsasən, baş məşqçinin cari mövsümün sonunda bitəcək müqavilə müddəti daha 1 il – 2024-cü ilin may ayına kimi uzadılıb.
Rusiyalı mütəxəssis 2021-ci ilin 30 oktyabr tarixindən “Sabah”ı çalışdırır. Komanda onun rəhbərliyi altında keçirdiyi 33 oyunun 20-dən qələbə ilə ayrılıb.
Masazır təmsilçisi hazırda Premyer Liqada uğurlu çıxış edir. 11 tur ərzində 22 xal toplayıblar və turnir cədvəlinin 2-ci pilləsində yer alıblar.
Yeni sövdələşməyə görə, “Sabah” Musayevin əməkhaqqısını artırıb. Onun qarşısına qoyulan vəzifə isə dəyişməyib - klubu tarixində ilk dəfə avrokuboklara daşımaq.
SPORTİNFO.AZ
