“Sabah” məğlubiyyətsiz oyunlar seriyasını 10-a çatdırıb.
Sportinfo.az PFL-in saytına istinadən xəbər verir ki, Murad Musayevin komandası Azərbaycan Premyer Liqasının 5-ci turunda “Səbail”lə qarşılaşıb.
Mövsümün startında ardıcıl 4 qələbə qazanan “Sabah” ilk xal itkisi ilə üzləşib – 0:0.
Paytaxt klubu ötən çempionatın son 5 oyununda da uduzmayıb.
Sonuncu dəfə ötən mövsümün 23-cü turun aprelin 16-dakı səfər görüşündə “Neftçi”yə 0:1 hesabı ilə uduzan Musayevin komandası yenilməzliyini 10-a çatdırıb.
Bakılılar tarixinin ən uğurlu seriyası zamanı 6 qələbə qazanıb və 4 heç-heçə edib.
