Bilindiyi kimi, “Sabah” heyətini yeni legionerlə gücləndirib.
Sportinfo.az xəbər verir ki, Emmanuel Apeh bundan sonra Masazır klubunun uğurları üçün çalışacaq.
25 yaşlı hücumçu ilə 2 illik müqavilə bağlanıb.
1996-cı ildə Nigeriyanın Kaduna şəhərində dünyaya gəlmiş forvard karyerası ərzində İspaniyanın “Lorka” (2016-2018), “Selta-2”, “Selta” (Viqo, 2018-2020), “Tenerife” (2020-2022) və “Alkorkon” (2021/22) klublarında oynayıb.
Bütün karyerası İspaniya ilə bağlı olan forvard 142 matçda 28 qol vurub.
“Sabah”da 90 nömrəli formada çıxış edəcək Manu artıq yeni komandasının Bolqarıstanda keçirilən təlim-məşq toplanışına qatılıb.
