"Çox əla insan və məşqçidir, hətta deyərdim ki, indiyə qədər gördüyüm məşqçilərin arasında ən yaxşılardandır".
Bu sözləri Sportinfo.az-a açıqlamasında "Sabah"dan "Qəbələ"yə keçən Səlahət Ağayev deyib.
Millinin də formasını geyinən qapıçı Masazır klubunda rəhbərliyi altında çalışdığı Murad Musayevi məşqçi və insan kimi bu cür xarakterizə edib:
"Onun xarakteri, iş prinsipi, davranışı – hamısı nümunəvidir. Əsl məşqçi xarizması və bacarığı var onda.
Bu cür davam etsə, böyük işlər görəcək. 38 yaşı var, amma o yaşı vermək olmur. Sanki 40 ildir futbolun içindədir".
