.jpg)
"Hələ bərpa prosesi davam edir. Hazırda yüngül bərpa dövrünü keçirəm".
Bunu Sportinfo.az-a açıqlamasında "Qəbələ"nin kapitanı Urfan Abbasov son durumu ilə bağlı danışarkən deyib.
Ötən mövsüm başa çatan kimi əməliyyat stoluna qalxan (çarpaz bağlarından) 30 yaşlı müdafiəçi bu səbəbdən komandasının Konfrans Liqasında “Fehervar”la matçlarını da buraxmalı olmuşdu.
Bu gün Premyer Liqada yeni mövsüm start götürüb. “Qəbələ” 3 gün sonra Tovuzda “Turan”ın qonağı olacaq.
Urfanı nə vaxt komandasının yanında görə bilərik?
O, ağır əməliyyat keçirdiyi üçün hələ yaxın müddətdə geri dönməsinin mümkün olmadığını bildirib:
"Heç ağır bərpa məşqlərinə hələ başlamamışam. Əməliyyatdan cəmi iki ay keçib. 3 ay tamam olandan sonra fiziki yükləməni bir qədər artıracam.
Çox ağır əməliyyat keçirdim və bunun bərpası 6 ay çəkir. Hələ qarşıda 4 ay var. İnşallah, noyabr və ya dekabrda yavaş-yavaş komandaya qoşularam".
XANOĞLAN
.jpg)
