"İlk 20 dəqiqə istədiyimiz kimi getmədi. Sürətli oyun görə bilmədim. Bəzi məqamlarda çətinlik çəkdik".
Sportinfo.az xəbər verir ki, bunu Macarıstan "Fehervar"ının baş məşqçisi Mixael Boris evdə "Qəbələ"yə 4:1 hesabı ilə qalib gəldikləri Konfrans Liqasının II təsnifat mərhələsinin ilk matçından sonra mətbuat konfransında deyib.
47 yaşlı mütəxəssis bildirib ki, komandası hesab bərabərləşdikdən sonra öz oyununu tapıb:
"Nəticədən razıyam. Amma oyun planında heç də hər şey ideal deyil".
O, bundan sonra tamamilə cavab qarşılaşmasına köklənəcəklərini söyləyib:
"Səfərdə daha sürətli oyun sərgiləyəcəyik. Bugünkü matçın son 20 dəqiqəsindəki kimi mübarizə aparmağa çalışacağıq. Sabahdan cavab oyununa hazırlaşacağıq".
komandalar arasında cavab görüşü iyulun 28-də Qəbələdə olacaq.
