“Qəbələ”nin UEFA Gənclər Liqasında 2021/22 mövsümünün I mərhələsindəki oyunlarının vaxtı dəqiqləşib.
Sportinfo.az-ın klubun rəsmi saytına istinadən məlumatına görə, Çempionlar yolunda mübarizə aparacaq U-19 komanda Niderland “Alkmaar”ı ilə qarşılaşacaq.
Sentyabrın 29-dakı ilk görüş Qəbələ şəhər stadionunda baş tutacaq. Matç saat 17:00-da başlayacaq.
Cavab qarşılaşması oktyabrın 19-da “AZ Təlim-Məşq Mərkəzi”ndə təşkil olunacaq. Oyun Bakı vaxtı ilə saat 19:00-da start götürəcək.
Bu cütün qalibinin növbəti rəqibi “Şikszereda” (Rumıniya) – “Anje” (Fransa) matçında müəyyənləşəcək.