UEFA Gənclər Liqasında 2021/22 mövsümünün Çempionlar yolunun püşkatması keçirilib.
Sportinfo.az xəbər verir ki, tədbirdə ilk iki mərhələnin cütləri bəlli olub.
AFFA-nın təşkil etdiyi “Gənclər kuboku”nun qalibi olan “Qəbələ”nin rəqibi də müəyyənləşib.
19 yaşadək futbolçulardan ibarət komanda bu mərhələdə Niderlanddan “AZ Alkmaar” ilə qarşılaşacaq.
Bu mərhələnin görüşləri sentyabrın 29-da və oktyabrın 20-də keçiriləcək. “Qırmızı-qaralar” ilk matça evdə çıxacaq.
Bu cütün qalibinin ikinci mərhələdəki rəqibi də bəlli olub. Komandamız mərhələ adlasa, “Şikszereda” (Rumıniya) – “Anje” (Fransa) cütünün qalibi ilə üz-üzə gələcək.
“Alkmaar” – “Qəbələ” cütünün qalibi noyabrın 3-də və 24-də baş tutacaq mərhələnin ilk matçımı səfərdə keçiriləcək.
