Fövqəladə hallar naziri Kəmaləddin Heydərovun ailə şirkəti olan “Gilan Holdinq“ “Qəbələ” İdman Klubuna ayırdığıı maliyyəni bir qədər də artırıb.
Sportinfo.az-ın məlumatına görə, bu, növbəti sponsorluq müqaviləsi sayəsində gerçəkləşib.
Belə ki, bölgə təmsilçisi Azərbaycanın otel sektorunda liderlərdən sayılan “Qafqaz Hotels&Resorts”la əməkdaşlığa başlayıb.
Şirkət əsas komandanın forma arxası sponsoru olacaq. “Qəbələ” və “Qafqaz Hotels&Resorts” arasındakı sponsorluq razılaşması 1 il müddətinə imzalanıb.
Daha öncə “Qəbələ” İdman Klubu və “Gilan&Knauf” arasında titul sponsorluğu ilə bağlı 1 il müddətinə müqavilə imzalanıb.
Bu iki tərəfdaşlıq anlaşması “Gilan Holdinq“ tərəfindən “Qəbələ“ üçün nəzərdə tutduğu büdcənin 600 min manatdan 1 milyon manata çatmasına səbəb olub.
Konkret desək, son kontrakt “qırmızı-qaralar“ı daha 400 min manat irəli salıb.
