Bilindiyi kimi, "Qəbələ" ilə vidalaşan Vinko Medimoreç “UTA Arad”a keçib.
Rumıniya klubu 25 yaşlı müdafiəçi ilə 2 illik müqavilə imzalayıb.
Keçidi ilə bağlı danışan xorvatiyalı oyunçu təklifi qəbul etmək üçün çox düşünmədiyini bildirib.
Arad şəhərini təmsil edən UTA klubu ötən mövsüm Rumıniyanın yüksək liqasını 10-cu pillədə başa vurub.
“Qəbələ” rəhbərliyi ötən ilin sentyabrında komandaya qoşulan 25 yaşlı xorvatiyalı müdafiəçinin başa çatan müqaviləsini yeniləyə bilməyib. Maddi səbəblərdən.
O, 2020/2021 mövsümündə 26 oyuna 1 qol vurub. Medimoreç Premyer Liqada 23, Azərbaycan Kubokunda 3 matça çıxıb.
Balkanlı legioner Rumıniyada ayına 4500 avro qazanacaq. Razılaşmaya əsasən, o, müqavilənin qüvvədə olacağı ikinci ildə bundan 1500 artıq maaş alacaq.
SPORTİNFO.AZ