.jpg)
"Komandadan oyunçu göndərməyi yox, daha çox yeniləri dəvət etməyi fikirləşirik".
Bu sözləri Sportinfo.az-a açıqlamasında "Qəbələ"nin baş məşqçisi Elmar Baxşıyev deyib.
Gənc mütəxəssis akademiyandan əsas komandaya yeni futbolçuların cəlb olunacağını bildirib: "Bu heyətlə davam edəcəyik. Əlavə futbolçular dəvət etməyi planlaşdırırıq. Akademiyadan cavan uşaqlar götürüb, üstündə dayanmaq istəyirik. Amma fikrimiz yerli, əcnəbi və akademiyadan olan futbolçuların vəhdətindən heyət qurmaqdır.
Hazırda yalnız Urfan Abbasovla müqavilə bağlanıb. Ancaq maraqlandığımız yerli və əcnəbi futbolçular var. Amma hər şey büdcəyə bağlıdır".
