"Qəbələ" yaşadı, yaşayır və yaşayacaq - FOTOREPORTAJ

11 İyun 00:42 Qəbələ 515
"Qəbələ" yaşadı, yaşayır və yaşayacaq - FOTOREPORTAJ

AFFA-nın təşkil etdiyi "Gənclər Kuboku"nda final oyunu keçirilib.

Sportinfo.az xəbər verir ki, həlledici qarşılaşmada "Qəbələ" və "Sabah"ın U-19 komandaları üz-üzə gəliblər.

"ASCO Arena"da baş tutan matçın əsas vaxtı qolsuz bitdiyindən görüşün taleyi əlavə vaxtda həll olunub. Rəqibini 1:0 hesabı ilə məğlub edən əyalət təmsilçisi kuboka sahib çıxıb. Həlledici qolu 102-ci dəqiqədə Mehrac Baxşəli vurub.

Mükafatlandırma mərasiminda veteran futbolçular Vəli Qasımov, Cahangir Həsənzadə və Fərrux İsmayılov iştirak edib.

Qələbə qolunun müəllifi Mehrac Baxşəli final oyunun ən yaxşı oyunçusu, “Sabah”ın üzvü Abdulla Rzayev isə kubok yarışının ən məhsuldar oyunçusu kimi xüsusi mükafatla təltif ediliblər.

"Qəbələ"nin U-19 komandası 1/4 finalda “Keşlə”ni (3:2, 3:1), yarımfinalda isə “Qarabağ”ı (1:1, 3:2) mübarizədən kənarlaşdırıb. Bu, "qırmızı-qaralar"ın cari mövsümdə qazandığı ikinci kubokdur. Daha əvvəl U-17 bu yaş qrupu üzrə kubokun qalibi olub.

Xəbər Lenti
14 İyun 16:50 Qəribə olay – FOTOLAR