"Qarabağ"la matçda qazanılan 3 xal bizim üçün stimuldur"

25 Oktyabr 17:40 Qarabağ 147
"Qarabağ"la matçda qazanılan 3 xal bizim üçün stimuldur"

"Şükür ki, bütün futbolçularımız sağlamdır. "Hapoel" (Beer-Şeva) ilə oyunda yaxşı nəticə qazanacağımıza inanıram".

Sportinfo.az "israelhayom.co.il" saytına istinadən xəbər verir ki, bunu "Makkabi"nin (Təl-Əviv) futbolçusu Eyal Qolasa ölkə çempionatının V turunda bu gün "Hapoel" (Beer-Şeva) ilə keçirəcəkləri ev oyunu barədə danışarkən deyib.

Liqaya yaxşı start vermədiklərini söyləyən 29 yaşlı yarımmüdafiəçi qarşıda komandasını uzun və çətin yol gözlədiyini bildirib: "Bizdən fərqli, rəqib mövsümə çox yaxşı başlayıb. Bu, onlarla ilk oyunumuz deyil. "Hapoel"i yaxşı tanıyırıq, rəqibin gücünə bələdik".

Avropa Liqasının I qrupunun ilk turunda "Qarabağ"a 1:0 hesabı ilə qalib gəldikləri görüşdən də söz açan israilli oyunçu bunları söyləyib: "Avrokubok oyununda qələbə hər zaman sevindiricidir.

Düşünürəm ki, Avropa Liqasına yaxşı start verdik. İlk matçda qazandığımız 3 xal növbəti oyunlar üçün stimuldur. İndi isə bizi qarşıda "Hapoel"lə çempionatı oyunu gözləyir".

"Makkabi" (Təl-Əviv) - "Hapoel" (Beer-Şeva) oyunu Bakı vaxtı ilə saat 23:00-da başlayacaq. Bunadək çempionatda 2 oyun keçirən Təl-Əviv təmsilçisi 1 xalla 14 komanda arasında 10-cu pillədə qərarlaşıb.

Digər Xəbərlər
Xəbər Lenti
23 Noyabr 22:40 Messi lazım deyil?
23 Noyabr 21:10 Nazirdən yeni təyinatlar
23 Noyabr 21:00 AFFA 12 komanda üçün...
23 Noyabr 15:40 "Qoca" belə olar - VİDEO