Avropa Liqasının qrup mərhələsinin dördüncü turu çərçivəsində “Qarabağ”la qarşılaşan APOEL-in oyunsonrası mətbuat konfransında qalmaqal düşüb. Sportinfo.az xəbər verir ki, kiprli jurnalistlərlə Tomas Doll arasında mübahisə yaranıb.
Kiprli həmkarımızın sualının uzun olması almaniyalı məşqçinin xoşuna gəlməyib və o, “sual verirsiz, yoxsa fikirlərinizi bildirirsiz?” deyərək, reaksiya verib. Dollun sözündən sonra bir neçə jurnalist mətbuat konfransını tərk etmək istəyib. Bundan sonra APOEL-in çalışdırıcısı media nümayəndəsinin onu yalnış anladığını bildirərək, üzr istəyib.