“Komandamız Avropanın, hətta dünyanın ən yaxşılarının yarışdığı turnirdə uğurlu nəticələr əldə edir”.
Sportinfo.az xəbər verir ki, bu sözləri “Qarabağ”ın ispaniyalı legioneri Coni Montiel deyib.
28 yaşlı yarımmüdafiəçi Çempionlar Liqasının pley-off mərhələsində İngiltərə təmsilçisi “Nyukasl”a qarşı oyun keçirəcəkləri oyun barədə fikirlərini bölüşüb:
“Təbii ki, bizim də öz imkanlarımız var. Xüsusilə Bakıdakı oyunda müsbət nəticə əldə etməyə çalışacağıq. Orada da nə olar, olar”.
“Qarabağ” fevralın 18-də Bakıda Tofiq Bəhramov adına Respublika stadionunda “Nyukasl”ı qəbul edəcək.
Tərəflər arasında cavab qarşılaşması bir həftə sonra İngiltərədə “Sent Ceyms Park” arenasında keçiriləcək.
