Nəriman Azundzadə növbəti 3 gün ərzində Azərbaycanı tərk edəcək.
Millimizin hücumçu bu zaman aralığında ABŞ-yə yollanacaq.
«Qarabağ»dan aldığımız məlumata görə, hücumçunuin «Kolambus Kru»ya keçid şərtləri razılaşdırılıb. Sadəcə, bəzi texniki və sənədləşmə prosesi qalıb, onun da qısa müddətdə aradan qalxması gözlənilir.
22 yaşlı forvard yeni klubu ilə 3 illik müqavilə imzalayacaq. Onun çıxışı MLS iştirakçısını razı salarsa, kontrakt daha 2 il müddətinə uzadılacaq.
"Xəzər Lənkəran"ın yetirməsinin 2016-cı ildən formasını geyindiyi Ağdam klubu ilə müqaviləsi gələn yay bitəcək, Odur ki, «köhlən atlar» bu keçiddən müəyyən qazanc əldə edəcək.
O, "Qarabağ"ın heyətində keçirdiyi 127 oyunda 35 qol, 17 məhsuldar ötürmə ilə yadda qalıb.
SPORTİNFO.AZ
