Çempionlar Liqasının 5-ci turunun “Napoli” ilə matçı üçün bu həftə Neapolda olmuş “Qarabağ” futbolçuları yerli medianın diqqət mərkəzində olub. Onlardan biri isə hətta paparizzinin obyektinə düşüb.
Sportinfo.az xəbər verir ki, “Calsio Napoli 24”ün reportyoru Ağdam klubunun yarımmüdafiəçisi Marko Yankoviçi qarabaqara izləyib. Bununla bağlı video sosial mediada yayılıb.
Xəbərdə qeyd edilib ki, vaxtilə İtaliyada “Kroton” və “Spal”da çıxış etmiş “Qarabağ”ın yarımmüdafiəçisi Marko Yankoviç “Maradona” stadionunun təhlükəsizlik zonasından adi bir insan kimi piyada çıxıb, bir fokaçça və qazlı içki almaq üçün bara tərəf gedib (
Fokaçça İtaliyaya məxsus, çörəyə bənzər, içi yumşaq, üstü azca yağlı və duzlu olan bir yastı çörək növüdür. Bir növ italyan bulkası/çörəyi kimi təsəvvür etmək olar).
“O, bunu çox düşünmədən, yanındakı Golemiç ilə (“Kroton”un başqa bir keçmiş xorvat futbolçusu) birlikdə yemək və içmək üçün edir.
Adətən, Çempionlar Liqasında oynayan əsas heyət futbolçusu üçün bu, olduqca qeyri-adi bir vəziyyətdir” - deyə yazıda bildirilir.
“Napoli” - “Qarabağ” oyunu 2:0 hesabı ilə meydan sahiblərinin xeyrinə başa çatıb. Yankoviç həmin matçda 90 dəqiqə meydanda olub (qol.az).
.jpg)
