Azərbaycanı növbəti mövsüm Çempionlar Liqasında təmsil edəcək “Qarabağ”ın yay hazırlıq planı məlum olub.
Sportinfo,az xəbər verir ki, mayın 28-də Premyer Liqanın son tur oyunundan sonra istirahətə buraxılacaq kollektiv iyunun 11-də Bakıda toplaşacaq.
Komanda hazırlığın əsas mərhələsini Avstriyada keçəcək. “Qarabağ” iyunun 22-də sözügedən ölkəyə yollanacaq.
Ancaq toplanışın müddəti hələlik dəqiqləşməyib. Bu, Çempionlar Liqasının püşkatmasından - komandanın ilk oyunu harada keçirməsindən asılı olacaq.
“Atlılar” səfərdə oynayacaqsa, Avstriyadan birbaşa ora gedəcək. İlk oyun evdə olacağı təqdirdə komanda daha erkən Bakıya qayıdacaq.
“Qarabağ” toplanış müddətində 3-4 yoxlama oyunu keçirməyi planlaşdırır. Rəqiblər hələlik dəqiqləşməyib.
