"Mahir özünü qərbi və mərkəzi Avropada sınamaq istəyir" - Meneceri açıqladı

22 Fevral 13:00 Qarabağ 1 124
"Mahir özünü qərbi və mərkəzi Avropada sınamaq istəyir" - Meneceri açıqladı

«O, «Qarabağ»ın təklifini rədd etməyib və əslində, rədd etmək imkanı belə olmayıb».

Bu sözləri Sportinfo.az-a açıqlamasında Mahir Emrelinin meneceri Tural Əsgərov deyib.

Tanınmış agent Ağdam klubu ilə müqaviləsi bu yay başa çatacaq hücumçu haqda son günlər mətbuatda yayılan xəbərlərə aydınlıq gətirib.

O, 2015-ci ildən «Qarabağ»ın formasını geyinən forvardın məsələsinə hələ aydınlıq gəlmədiyini bildirib:

"Ona «Qarabağ»dan heç bir rəsmi təklif olmayıb. Biz «Qarabağ»dan yeni müqavilə barəsinde danışıqları yaya kimi, daha doğrusu, hazırkı mövsümün sonunadək təxirə salmağı xahiş etmişik.

Əlavə olaraq qeyd etmək istəyirəm ki, Mahirin özünü ölkə xaricində sınamaq istəməsi sirr deyil. O, dəfələrlə bunu bildirib.

Qismət olarsa, qərbi və mərkəzi Avropada, daha ciddi çempionatda özünü sınamaq istəyir. Amma bu, o demek deyil ki, Mahir «Qarabağ»ın yeni müqavilə təklifini rədd edib və kiminləsə anlaşııb.

Mahir növbəti mövsümə ölkə xaricində, başqa klubda da başlaya, eyni zamanda, karyerasına «Qarabağ»da davam edə bilər».

Digər Xəbərlər
Xəbər Lenti
5 Mart 10:20 Divizionda təyinatlar