“Neftçi” Yüksək Qızlar Liqasında ardıcıl beşinci qələbəsini qazanıb.
Sportinfo.az xəbər verir ki, "ağ-qaralar"ın qadınlardan ibarət komandası 5-ci turda “Şəfa”nın qapısından 3 cavabsız top keçirib.
“Palms Sports” Futbol Mərkəzində baş tutan matçda qollardan ikisinə Ayşən Salamzadə (12-ci və 14-cü dəqiqələr), birinə isə Alina Nəhmədova (59-cu dəqiqə) imza atıblar.
5 oyundan sonra maksimum nəticə ilə turnir cədvəlinin zirvəsində qərarlaşan “Neftçi” 6-cı turda “Araz-Naxçıvan”ın qonağı olacaq.
Noyabrın 10-da “Rekord Arena”da baş tutacaq görüş saat 13:00-da start götürəcək.
