Azərbaycan millisinin kapitanı 10 oyunçunun yer aldığı siyahıda

19 Sentyabr 22:40 Qadın futbolu 329
Azərbaycan millisinin kapitanı 10 oyunçunun yer aldığı siyahıda

FIFA 2023-cü il dünya çempionatının seçmə oyunları öncəsi iştirakçı yığmaların heyətində diqqət çəkən futbolçuların adlarını açıqlayıb.

Sportinfo.az xəbər verir ki, 10 oyunçunun yer aldığı siyahıda Azərbaycan millisinin kapitanı Aytac Şərifova da var.

Ali futbol qurumu hesab edir ki, 24 yaşlı qapıçı komandasını böyük arenaya çıxara bilər: "Şərifova uzun illərdir beynəlxalq arenada möcüzələr yaradır.

24 yaşlı oyunçu 2012-ci ildə ölkəsinin ev sahibliyi etdiyi 17 yaşadək qızlar arasında dünya çempionatında Kanada ilə matçın (0:1) ulduzu olub.

O, hücumçu Aysun Əliyeva və müdafiəçi Jalə Məhsimova ilə birlikdə ən yaxşılardan biri idi. Şərifova həmin heyətdən əsas yığmaya yüksələn azsaylı oyunçulardandır.

Aytacın meydandakı təsirini nəzərə alsaq, bunun səbəbini anlamaq elə də çətin olmaz".

Məqalədə həmçinin Şərifovanın Çempionlar Liqasında (ÇL) oynamış ilk azərbaycanlı qadın futbolçu olduğu vurğulanıb. Qapıçı Qazaxıstan "Okjetpes"inin heyətində ÇL-də çıxış edib.

"10-luq"dakı digər futbolçular bunlardır: Keti MakKeyb (İrlandiya), Haydi Sevdal (Farer adaları), Karolina Lea Vilhyalmsdottir (İslandiya), Nataşa Andonova (Şimali Makedoniya), Heyli Bugeja (Malta), Cenis Kayman (Belçika), İvana Rudeliç (Xorvatiya), Ana Borxes (Portuqaliya), Lara Prasnikar (Sloveniya)

Digər Xəbərlər
Xəbər Lenti
17 Oktyabr 16:20 Pullu kişinin ac balası
17 Oktyabr 09:00 "Qarabağ"ın QİYMƏTLƏRİ
17 Oktyabr 00:28 "Beşiktaş" uduzdu - VİDEO