Yeni mövsümdə "Neftçi"nin Futbol Akademiyasına kimin rəhbərlik edəcəyi hələ də məlum deyil
İki ay öncə Cemal Bülbüllə yolları ayıran "ağ-qaralar" bu posta Tolqa Şanbayı gətirmək istəsə də, tərəflər arasında danışıqlar son anda pozulub.
Türkiyəli funksioner başqa təkliflər aldığını bildirərək, "ağ-qaralar"ın akademiyasının koordinatoru vəzifəsini tutmaqdan vaz keçib. O, bundan sonra Türkiyə Futbol Federasiyasında fəaliyyət göstərəcək.
45 yaşlı Şanbay karyerası ərzində "Altınordu", "Kayserispor", "BB Erzurumspor" kimi klublarda koordinator kimi çalışıb.
"Neftçi" son 3 ildə burada işləmiş Cemal Bülbülü əvəzləmək üçün hazırda üzünü Avropaya çevirib. Mümkün namizədlər arasında İspaniya, Portuqaliya və Xorvatiyadan olan mütəxəssislər yer alır.
SPORTİNFO.AZ
