.jpg)
"Neftçi” iyulun 27-də Polşa təlim-məşq toplanışı çərçivəsində üçüncü yoxlama oyununu keçirəcək.
Sportinfo.az xəbər verir ki, “ağ-qaralar” Yunanıstandan “Asteras Tripolis” ilə qarşılaşacaq.
Bakı vaxtı ilə saat 19:00-da (yerli vaxtla 17:00) start götürəcək matç Keltse şəhərindəki Pilkarski stadionunda təşkil olunacaq.
Tərəflərin istəyinə əsasən, oyun canlı yayımlanmayacaq.
“Hapoel Təl-Əviv” (1:1) və “Termalitsa Nyeçetşa” (2:2) ilə heç-heçə edən “Neftçi” sonuncu sınaq matçını avqustun 1-də AEL (Kipr) klubuna qarşı keçirəcək.
