.jpg)
"Neftçi"nin hücumçusu Dembo Darbonun agenti Florian Biba forvardın "Dinamo"ya (Brest) keçə biləcəyi ilə bağlı mətbuatda yayılan xəbərlərə aydınlıq gətirib.
Sportinfo.az xəbər verir ki, “football.by” portalına danışan Biba məlumatı təkzib edib:
“Dembo Darbonun “Dinamo”ya keçəcəyi ilə bağlı yayılan xəbərlər həqiqətə uyğun deyil. Onun "Neftçi" ilə 2026-cı ilin yayına qədər müqaviləsi var”.
Daha əvvəl qambiyalının transferin detallarını müzakirə etmək üçün Belarusda olduğu bildirilirdi. 26 yaşlı futbolçu 2024-cü il avqustun 28-də “Neftçi”yə keçmişdi.
O, əvvəllər “Banjul”, “Şkupi”, “Şaxtyor”(Soliqorsk), “Əl-Nəsr” (BƏƏ), “Astana” və “Ordabası”da (Qazaxıstan) oynayıb.
