“Son vaxtlar əsas heyətdə yer ala bilməməyim səbəbsiz deyil. Bu, sırf zədəylə bağlı olan problemdir”.
Bu sözləri Sportinfo.az-a açıqlamasında “Neftçi”nin Rəhman Hacıyev deyib.
“Bakı”nın yetirməsi bildirib ki, ardıcıl üç dəfə aldığı zədələr onu psixoloji olaraq çox geri salıb:
“İlk dəfə zədələndim, sağalıb məşqlərə başladım, qış fasiləsindən sonra “Sabah”la oyundan bir gün əvvəl zədələndim.
Müalicə alıb, məşqlərə başladım, məşqin gedişində adi vəziyyətdə yenə ağrılar başladı. Futbol təkcə məşqdən ibarət deyil.
Formada olmaq üçün mütləq oynamalısan. Bir müddət kollektivdən geri qaldınsa, qayıdandan sonra ideal formanı yığmaq çətin olur.
İndi özümü yaxşı hiss edirəm. Allahın izni ilə növbəti matçlarda tam gücümlə mübarizə aparacam”.
