“Hər iki komanda üçün çətin oyun olacağını ən başından bilirdik».
Sportinfo.az xəbər verir ki, bu sözlər “Neftçi”nin dayaq yarımmüdafiəçisi Elvin Camalova məxsusdur.
O, komandasının Premyer Liqanın 24-cü turunda “Sumqayıt” üzərində qazandığı 1:0 hesablı qələbəni dəyərləndirib.
Yanvarda “Sabah”dan gəlmiş 30 yaşlı orta sahə oyunçusu matçın çətin keçdiyini bildirib:
“Düzdür, hava şəraiti bizə mane olsa da, əvvəllər də belə havada oynamışıq. Hətta Avropada bu hal daha tez-tez yaşanır.
Havanın necə olmasından asılı olmayaraq, məqsədimiz sona qədər vuruşmaq, meydandan qələbə ilə ayrılmaq idi.
Çox şükür ki, istəyimizə çatdıq və “Sumqayıt”a 1:0 hesabı ilə qalib gəldik”.
