"Neftçi" Premyer Liqanın 22-ci turunda “Zirə” ilə matçın hazırlığı başa çatdırıb.
Sportinfo.az xəbər verir ki, bu barədə Bakı klubunun mətbuat xidməti məlumat yayıb.
“Ağ-qaralar” Neftçi” Futbol Mərkəzində oyunöncəsi son məşqinə çıxıb. Komandanın bərpa dövrünü davam etdirən futbolçuları – Rafael Quzzo, Edvin Kuç və Andrey Ştoqrin fərdi məşğul olublar.
Onlar “Kəpəz”lə kubok oyununda olduğu kimi, sabahkı görüşü də buraxacaqlar.
Əvəzində, bərpa dövrünü başa vuran Rəhman Hacıyev və Dembo Darbo, həmçinin səhhətində problemi aradan qaldıran Azər Əliyev komanda ilə birlikdə məşq ediblər.
Fevralın 10-da Zirə İdman Kompleksinin stadionunda keçiriləcək “Zirə” – “Neftçi” oyunu saat 19:00-da başlanacaq.
