“Neftçi”nin çalışdırıcısı Samir Abasovun başı dərddədir.
47 yaşlı çalışdırıcı sərəncamındakı futbolçuların bir neçəsinin xidmətindən məhrum olub.
Qış toplanışında kollektivdən ayrı çalışan Rəhman Hacıyev, Rafael Quzzo və Dembo Darbo hələ də hazır deyil. “Sabah”la oyunu kənardan izləyən futbolçular “Araz-Naxçıvan”la qarşılaşmada da forma şansı qazanmayacaqlar.
Müalicə alan və bərpa dövrü keçən futbolçuların yaşıl meydanlara dönüşü ən yaxşı halda fevral ayında mümkün olacaq.
Hücumçu sarıdan qıtlıq yaşanan komandada xüsusən Darbonun olmaması işləri çətinə salıb.
Əvəzində, yeni transfer Elvin Camalov bazar günkü matçda iştirak ərizəsində yer ala bilər.
Yanvarın 26-da “Liv Bona Dea Arena”da “Araz-Naxçıvan”la keçiriləcək oyun saat 16:00-da başlayacaq.
HƏBİB / SPORTİNFO.AZ
