“İlk növbədə qələbələri sıralamaq və yaxşı yerlərdən birini tutmaq istəyirik”.
Bu sözləri Sportinfo.az-a açıqlamasında "Neftçi"nin yaponiyalı yeni transferi Ryonosuke Ohori deyib.
Yanvarın 14-də keçidi rəsmiləşən yarımmüdafiəçi ”Neftçi”ylə bağlı arzuların nədir” sualına cavabında aşağıdakıları söyləyib:
“Bu cür böyük klubda çempion olmaq ən böyük istəyimdir. Sözsüz ki, mümkün uğurlarda komandama fayda verməyə çalışacam.
Azərbaycana böyük həvəs və ümidlə gəlmişəm. Bunu hər məşqdə göstərməyə, məşqçilərin etimadını qazanmağa çalışıram”.
Ağ-qaralar"ın heyətində 18 nömrəli formanı geyinən 24 yaşlı legionerlə "5 ay + 2 il" şərti ilə müqavilə bağlanıb.
Ohori futbola yerli “Sanfreççe”nin akademiyasında başlayıb. Sonuncu klubu “Transinvest”in (Litva) heyətində 2024-cü ilin fevralından meydana çıxdığı 31 çempionat matçında 6 qola imza atıb.
Orta xətt oyunçusu sürəti və driblinqi ilə seçilir.
