Uzun sürən danışıqlardan sonra Elvin Camalovun "Neftçi"yə keçidi rəsmiləşdi.
Milli üzvünün transferi ilə bağlı pərdəarxası bəzi maraqlı detalları əldə etmişik.
Vasili Berezutskinin planlarına daxil olmayan kapitanın xidmətində "ağ qaralar"la bərabər "Zirə" də maraqlı olub.
Təcrübəli yarımmüdafiəçi hər iki təklifə isti yanaşıb.
Əsas niyyəti yeni ünvana getmək, daha çox oynamaq fürsəti əldə etmək olub.
Son qərarı isə yaya kimi müqaviləsi olan "Sabah" tərəfi verib.
Seçimin "Neftçi"nin xeyrinə edilməsi də səbəbsiz deyil.
Çünki "Neftçi"dən fərqli olaraq "Zirə" bu gün "tələblər"in avrokuboklar yolunda mübarizədə əsas rəqiblərindən biridir.
Masazır təmsilçisi kapitanı "Neftçi"yə təslim etməklə bir növ əsas rəqibin daha da güclənməsinə mane olub.
XANOĞLAN / SPORTİNFO.AZ
