“Neftçi”dən ayrılan Mark Tamaşın yeni iş yeri məlumdur.
Macarıstanlı müdafiəçi karyerasını Rumıniya klubu “Sepsi”də davam etdirəcək.
Daha çox meydanda olmaq arzusu ilə “ağ-qaralar”dan ayrılan 31 yaşlı legioner Sportinfo.az-a açıqlamasında “Neftçi”ni tərk etməsi barədə danışıb:
“İndiyə qədər oynadığım bütün komandalarda əsas heyətdə yer almışam. “Neftçi”də daha çox şans qazanmaq istəsəm də, buna nail olmurdum.
Klubdan xahiş etdim ki, məni buraxsınlar. Çünki daha çox oynamaq üçün özümdə o gücü hiss edirəm.
“Neftçi”də yaxşı dostlar qazandım. Komandaya qarşıdakı matçlarda uğurlar arzulayıram”.
2023-cü ilin yayında Adrian Mutunun dönəmində “Sepsi”dən “Neftçi”yə keçən futbolçu ilyarım ərzində 39 görüşün iştirakçısı olmaqla 3 assistlə yadda qalıb.
HƏBİB
