"Neftçi”nin legioneri Mark Tamaş klubu tərk edir.
Sportinfo.az xəbər verir ki, bu barədə Macarıstanın “Nemzeti Sport” nəşri məlumat yayıb.
Macarıstan millisinin 31 yaşlı sabiq müdafiəçisi “Neftçi”dən ayrılmaqla bağlı klubu ilə qarşılıqlı razılaşma əldə edib. Onun müqaviləsi bu ilin yayında başa çatır.
“Klubumuzla müqaviləmin qarşılıqlı ləğvi ilə bağlı şifahi razılaşmamız olub. Bundan sonra təziminat almadan oranı tərk edəcəm. Mən inanıram ki, bu, baş verəcək” - deyə o nəşrə açıqlamasında bildirib.
Tamaşın “Neftçi”nin vaxtından əvvəl tərk etmək niyyəti onun az oyun şansı qazanması ilə bağlıdır.
“Mənim heç vaxt belə az oynadığım olmamışdı. Bu, məni ağrıdır. Amma nə etmək olar, həyat belədir.
Görək, bundan sonra karyeram necə olur. Onu deyə bilərəm ki, oynamaq üçün alışıb yanıram” - deyə o bildirib.
Tamaş bu mövsüm “Neftçi”nin heyətində cəmi 8 oyunda meydana çıxıb, 1 qol ötürməsi verib.
Ötən mövsüm isə o, komandasının əsas futbolçularından idi (32 matç).
