Samir Abasovun "Neftçi"nin baş məşqçi təyin olunmasından sonra "Sumqayıt"ın bəzi futbolçularının adı "ağ qaralar"la bərabər çəkildi.
Axı Abasov məhz "kimyaçılar"ın baş məşqçi postundan ayrılaraq paytaxt klubuna pənah aparmışdı.
Belədə təcrübəli mütəxəssisin ona tanış adları yanına aparmaq istəməsi məntiqlidir.
Adı çəkilən oyunçulardan biri də Roi Kehatdır.
İsrailli legioner Abasovun sevimli oyunçularından biri olub.
Görəsən, ikilinin yenidən bir araya gəlmə ehtimalı nə qədərdir?
Sualımıza cavab olaraq təcrübəli yarımmüdafiəçi Sportinfo.az-a açıqlamasında bunları dedi:
"Mənim adımın “Neftçi” kimi böyük komanda ilə hallanması mənə xoşdur. Amma hazırda "Sumqayıt"dayam. Hazırkı klubumla müqaviləm davam edir. Və bütün diqqətimi hədəflərimizə yönəltmişəm".
XANOĞLAN
