Qış fasiləsinə səkkizinci pillədə yollanan «Neftçi» transfer çalışmalarına start verib.
Samir Abasov bu ilin fevralında «Sumqayıt»a gətirdiyi Cordan Rezabalanı indi də ağ-qara forma geyinməyə razı salıb.
Tərəflər arasında danışıqlar bu gün başa çatıb, yaxın saalarda və ya yaxın günlərdə xəbərini açıqlanmasını gözləyin…
Əslində, «Sumqayıt»da yaşanan gözlənilməz ayrılığın kökündə də bu dayanır.
Odur ki, ekvadorlu yarımmüdafiəçi bu ilin sonunda başa çatan müqaviləsini yeniləmək istəməyib.
«Kimyaçılar» ona daha yaxşı şərtlərlə 2 illik kontrakt təklif etsə də, 23 yaşlı cənubi amerikalı çağırışa eyni münasibəti göstərməyib.
Ekvadorda “İndependyente”nin yetirməsi olan Cordan Rezabala bura yerli “Quayakil Siti”dən gəlib..
O, həmçinin 17, 20 və 23 yaşadək futbolçulardan ibarət Ekvador millisinin uğurları üçün çalışıb.
SPORTİNFO.AZ
