"Bəzən oyunun hesabı futbolçulara şans verməyimizə kömək edir".
Sportinfo.az xəbər verir ki, bu sözləri "Neftçi"nin baş məşqçisi Samir Abasov işlədib.
O, yeni transferlərin 90 dəqiqə meydanda mübarizə aparmağa hazır olmadığını bildirib:
"Futbolçuları çox yükləmək yox, oyunlarda forma yığmalarını istəyirik. Onlar 90 dəqiqə meydanda olmağa hazır deyillər.
Məşqdən çox, oyunlar formaya düşməyə kömək edir. Hamısı peşəkar futbolçulardır, özləri də məşqlərdə və qarşılaşmalarda çox çalışırlar.
Bu da xoş haldır. Tezliklə formaya düşəcəklərinə inanıram".