“Kəpəz”in Antalya toplanışı davam edir. Amma iki aparıcı legionerin iştirakı olmadan.
Gəncə təmsilçisi nigeriyalıları - yarımmüdafiəçi Ahmed Ayzaya və hücumçu Abdullaye Şauybunu Türkiyəyə apara bilməyib.
Buna səbəb onların sənədlərində yaranan probemdir. Qərb təmsilçisi afrikalı futbolçulara görə müvafiq qurumlara vaxtında müraciət etmədiyindən, cütlüyə viza verilməyib.
Ayzaya ilə Şuaybunun qarşıdakı günlərdə Antalyaya yollanması sual altındadır. Çox güman ki, Premyer Liqada ikinci dövrə başlayana kimi burada qalıb əvəzedici heyətdə məşqə çıxacaqlar.
Təbii ki, bu hal Tərlan Əhmədova pis təsir edib. Baş məşqçi işlərində qeyri-peşəkar davranan klub idarəçilərinə öz narazılığını bildirib.
SPORTİNFO.AZ
