"Nəticədən razı qaldım. Lakin səhvlərimiz var idi. Hər iki komandanın qol vurmaq şansları oldu. Heç-heçəni ədaləti sayıram" - Sportinfo.az-ın məlumatına görə, bunu 23 yaşadək futbolçulardan ibarət Azərbaycan millisinin baş məşqçisi Yaşar Vahabzadə IV İslam Həmrəyliyi Oyunlarının qrup mərhələsi çərçivəsində Kamerun ilə 0:0 heç-heçədən sonra deyib.
57 yaşlı mütəxəssis bildirib ki, əsas məqsəd qrupdan çıxmaqdı. Onun sözlərinə görə, bu cür turnirlərdə ilk matçda uduzmamaq böyük önəm kəsb edir. Azərbaycan ilə birgə A qrupunda yer alan Mərakəş yığmasının da oyununu bəyəndiyini söyləyən Y.Vahabzadə qarşıdakı oyunlarda lazım olan xalları toplamağa çalışacaqlarını vurğulayıb:
"Nəticədən razı qaldım. Lakin səhvlərimiz var idi. Hər iki komandanın qol vurmaq şansları oldu. Bu cür turnirlərdə ilk matçda uduzmamaq böyük önəm kəsb edir. A qrupunda yer alan Mərakəş yığmasının da oyununu bəyəndim. Qarşıdakı oyunlarda lazım olan xalları toplamağa çalışacağıq”.
