Azərbaycan millisinin yolunun üstünə çıxan qadın kimdir?

15 Noyabr 2023 02:10 Milli komanda 1 598
Azərbaycan millisinin yolunun üstünə çıxan qadın kimdir?

Azərbaycan millisinin AVRO-2024-ün seçmə mərhələsində İsveçlə oyununu idarə edəcək qadın hakim Ester Ştaubli ilk dəfə kişilərdən ibarət əsas yığmaların matçında ədaləti qoruyacaq.

Sportinfo.az xəbər verir ki, 44 yaşlı referi 2006-cı ildən FIFA dərəcəsi alsa da, onun ilk beynəlxalq təyinatı 2008-ci ildə gerçəkləşib.

Təcrübəli hakim 2016-cı ildə Rio-de-Janeyro, 2021-ci ildə Tokio Yay Olimpiya Oyunlarında, 2013, 2017 və 2022-ci illərdə Avropa çempionatında, 2015, 2019 və 2023-cü illərdə isə dünya çempionatlarında iş başında olub.

Ştaubli daha əvvəl yalnız bir dəfə 17 yaşadək oğlanlardan ibarət yığmaların görüşünü idarə edib. İsveçrəli hakim 2017-ci ildə Hindistanda təşkil olunan dünya çempionatında Yaponiya - Yeni Kaledoniya (1:1) qarşılaşmasında ədaləti qoruyub.

Noyabrın 16-da Tofiq Bəhramov adına Respublika stadionunda keçiriləcək Azərbaycan – İsveç oyunu saat 21:00-da başlayacaq.

Digər Xəbərlər
Xəbər Lenti