Onlayn və çap mediası subyektlərinə dəstək layihəsi çərçivəsində elan edilmiş müsabiqənin nəticələri açıqlanıb.
Bu barədə Medianın İnkişafı Agentliyi (MEDİA) məlumat yayıb.
MEDİA-dan bildirilib ki, müsabiqələrin məqsədi çap və onlayn media subyektlərinin (veb-saytların) inkişafına dəstək vermək, onların iqtisadi müstəqilliyini gücləndirmək, fəaliyyətini təkmilləşdirmək, həmçinin dövlət və cəmiyyət üçün əhəmiyyət kəsb edən layihələrin həyata keçirilməsini təşviq etməkdir.
Belə ki, müsabiqədə 16 ictimai-siyasi qəzet və 39 sayt qalib olub.
Qalib saytlar arasında Sportinfo.az da var.
