“Barselona”nın yarımmüdafiəçisi Pedri "Premier Padel" turnirinin finalında ehtimal edilən sevgilisi Alehandra Dorta ilə birlikdə görüntülənib.
Sportinfo.az xəbər verir ki, bu, cütlük haqqında bir neçə aydır dolaşan şayiələrdən sonra onların ilk ictimai çıxışı olub.
Tədbir Barselonadakı "Palau Sant Xordi" arenasında keçirilib. Pedri ilə yanaşı, oyunu “Barselona”nın futbolçuları Ferran Torres, Erik Qarsiya, Qavi və Dani Olmo da mərasimdə olublar.
İspaniyalı jurnalist Xavi Oyos Pedri ilə Tenerifedən olan 22 yaşlı Alehandra Dortanın görüşdüyünü açıqlamışdı. KİV-in məlumatına görə, futbolçu artıq sevgilisini ailəsi ilə də tanış edib.
İki ay əvvəl Pedri şəxsi həyatı ilə bağlı suala qısa cavab verərək dolayısı ilə bunu təsdiqləmişdi: “Hazırda bəli, mən aşiqəm”.
