"Qarabağ"ın sabiq hücumçusu, hazırda "Flamenqo"da (Braziliya) çıxış edəm Juninyo uzun fasilədən sonra qol vurub.
Sportinfo.az xəbər verir ki, 27 yaşlı forvard A seriyasının 12-ci turunda ötən gecə "Sport Resife"yə qarşı oyunda fərqlənib.
Juninyo 56-cı dəqiqədə meydana daxil olub və 5 dəqiqə sonra komandasınn 2-ci qolunu vurub. Oyun "Flamenqo"nun 5:1 hesablı qələbəsi ilə başa çatıb.
Bu, "Flamenqo"da heyətə düşməkdə çətinlik çəkən Juninyonun 7 aylıq fasilədən sonra ilk qoludur.
O, sonuncu dəfə aprel ayında Libertadores Kubokunun qrup mərhələsində “Deportivo Taçira” ilə görüşdə qol vurmuşdu.
Juninyonun qışda komandadan ayrıla, hətta “Qarabağ”a qayıda biləcəyinə dair qeyri-rəsmi xəbərlər yayılıb.
.png)
