"Traktor” İran çempionatında növbəti matçına çıxıb.
Sportinfo.az xəbər verir ki, Cənubi Azərbaycan təmsilçisi doğma meydanda “Sanat Naft” ilə qarşılaşıb.
Mövsümə məğlubiyyətlə başlayan "al qurdlar" bu dəfə böyükhesablı qələbə qazanıb – 3:0.
Təbrizlilərin qollarını Azərbaycanda oynamış futbolçular vurub. "Sumqayıt"ın sabiq hücumçusu Peyman Babayi dubl edib. Oyunda son nöqtəni isə "Neftçi"nin eks yarımmüdafiəçisi Saman Nərimancahan qoyub.
“Traktor” iki turdan sonra 3 xalla 16 kollektiv arasında 7-ci pillədə qərarlaşıb.